Plantun de Prouvènço

Pèr coumpara dos planto d'encò nostre

Prunus brigantina & Potamogeton alpinus

Afatoulié

Prunus brigantina

Rosaceae

Àutri noum : Afatounié, Afatourié, Afàtou.

Nom en français : Prunier de Briançon.

Descripcioun :
L'afatoulié se recounèis l'estiéu à si afàtous (abrignoun, afatoun) verd pièi jaune. Flouris au printèms emé de pichòti flour blanco d'ounte sorton de lònguis estamino. Li fueio, que sèmblon à li de l'ambricoutié vènon bèn à l'après.

Usanço :
Se fai de counfituro emé lis afàtous (emé proun de sucre !), e d'òli de marmoto emé lis amandoun (meseioun). Fau aperaqui 10 000 amandoun pèr n'en faire un litre. J.-R. Fortoul, op.cit., ramento que lis afàtous èron descalagna dóu tèms di lòngui vihado. L'òli èi bon pèr la cousino e pèr sougna li macaduro e lou mau d'os. Se metié un tros de pan dins la sartan pèr leva la forto óudour de l'òli : "Lou pan surbiò lou gros dal fouort de l'óli, l'amarun". Lou darrié moulin s'arestè de vira en 1923 à Suzo (CN).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Sebisso - Prado
Estànci : Subremediterran à Mountagnard
Couroulougi : Pancaro entresigna
Ref. sc. : Prunus brigantina Vill., 1786

Espigo-d'aigo(-aupenco)

Potamogeton alpinus

Potamogetonaceae

Autre noum : Poutamot.

Nom en français : Potamot des Alpes.

Descripcioun :
L'espigo-d'aigo-aupenco trachis dins li lau de mountagno. Fai dos meno de fueio, aquéli de surfàci, pas toujour presento, dounon d'èr à li de Potamogeton nodosus, alor qu'aquésti d'aigo soun proun longo, an ges de pecou e embrasson pas la tijo (au contro de P. praelongus di proun rare). Amo bèn lis aigo frejo emé gaire de matèri ourganico e proun de dióussigèno. Èi pèr acò que li cast de fedo dèvon resta liuen di lau de mountagno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,1 à 1 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Potamogeton
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) enflourejado : 1 à 3 cm
Flourido : Estiéu

Sòu : Ca
Autour basso e auto : 1800 à 2400 m
Aparado : Vo
Juliet à setèmbre

Liò : Aigo - Lau - Mueio
Estànci : Mountagnard à Subaupen
Couroulougi : Bourealo
Ref. sc. : Potamogeton alpinus Balb., 1804

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Prunus brigantina & Potamogeton alpinus

ges

Coumpara Afatoulié emé uno autro planto

Coumpara Espigo-d'aigo(-aupenco) emé uno autro planto